- Международные связи
- Международное сотрудничество
Международное сотрудничество
Киришүү
Эл аралык кызматташтык – Институттун стратегиялык өнүгүүсүндөгү эң маанилүү багыттардын бири. Математика, физика, техника жана информациалык технологиялар институту дүйнөлүк билим берүү мейкиндигине активдүү интеграцияланып, алдыңкы чет өлкөлүк жана регионалдык университеттер менен туруктуу өнөктөштүк мамилелерди кеңейтип келет.
Институттун эл аралык ишмердүүлүгүнүн негизги максаты – студенттерге жана окутуучуларга сапаттуу эл аралык билим берүү программаларына жеткиликтүүлүктү камсыз кылуу, илимий потенциалды жогорулатуу жана глобалдык академиялык мейкиндик менен үзгүлтүксүз алака түзүү.
МФТиИТ студенттик жана окутуучулук мобилдүүлүк программаларын активдүү ишке ашырат, илимий стажировкаларды, биргелешкен изилдөөлөрдү, эл аралык семинарларды жана конференцияларды уюштурат. Ошондой эле институт Erasmus+, Mevlana, Orhun сыяктуу эл аралык программалардын алкагында өнөктөштүк долбоорлорду ишке ашырууда.
Институттун эл аралык кызматташтык стратегиясы
Институттун заманбап инфраструктурасы, эл аралык өнөктөштөр менен активдүү иш алып баруусу, академиялык жана илимий потенциалды жогорулатуу боюнча үзгүлтүксүз аракеттери — атаандаштыкка жөндөмдүү, дүйнөлүк талаптарга жооп берген адистерди даярдоого бекем негиз түзөт.
Эл аралык тажрыйба алмашуу
МФТиИТ окутуучулары дүйнөнүн алдыңкы университеттеринде илимий стажировкалардан өтүп, эл аралык долбоорлорго катышып, институттун илимий жана академиялык потенциалын жогорулатууга чоң салым кошуп келишет. Төмөндө акыркы жылдардагы маанилүү эл аралык иш сапарлар келтирилген.
Белгилүү илимпоздор
- К.А. Алымкулов — УИАнын мүчө-корреспондент
- Г.М. Матиева — эл аралык илимий долбоорлордун жетекчиси
Европа
- Профессор А.М. Сайипбекова — европалык долбоорлорго катышуу
Түркия
- Доцент К.Г. Кожобеков — стажировка
- Доцент Г.С. Ободоева — Карс университетинде тажрыйба алмашуу
Россия
- Н. Аркабаев — Томск ТУ стажировка
- А. Кудуев — Томск ТУ стажировка
АКШ
- Ж.А. Артыкова — Нью-Йорк шаарында илимий сапар
Студенттердин эл аралык мобилдүүлүгү
МФТиИТ студенттери чет өлкөлөрдөгү өнөктөш университеттерде академиялык алмашуу, стажировка жана билим алуу программаларына активдүү катышышат. Ошол эле учурда институтта Түркия, Россия, Өзбекстан, Тажикистан өңдүү өлкөлөрдөн студенттер келип билим алышат, бул көп улуттуу академиялык чөйрөнү калыптандырууга өбөлгө түзөт.
| Багыт | Университет | Өлкө |
|---|---|---|
| Чет өлкөгө чыккан студенттер | Аксарай мамлекеттик университети | Түркия |
| МФТиИТке келген студенттер | Өзбекстан мамлекеттик университеттери | Өзбекстан |
| Россиянын университеттери | Россия | |
| Тажикистан университеттери | Тажикистан | |
| Аксарай, Карс, Невшехир университеттери | Түркия |
Илимий долбоорлор жана гранттар
Институт эл аралык жана улуттук деңгээлдеги бир катар маанилүү илимий долбоорлорго катышып, билим берүү сапатын жогорулатууга жана илимий потенциалды кеңейтүүгө багытталган гранттык программаларды ийгиликтүү ишке ашырып келет. Төмөндө МФТиИТ үчүн стратегиялык мааниге ээ болгон негизги долбоорлор көрсөтүлгөн.
TEMPUS EDUCA (2012–2015)
- Педагогика жана билим берүү менеджменти боюнча программа
- Жаңы окуу пландары түзүлгөн
- Заманбап лаборатория ачылган
EAST Horizon (2015–2017)
- Греция, Португалия, Грузия, Белоруссия, Азербайжан менен илимий кызматташуу
- Илимий сапарлар, тренингдер жана биргелешкен долбоорлор
Мевлана Программасы (Түркия)
- Окутуучулар жана студенттер Түркиянын алдынкы университеттеринде стажировка өтүшкөн
- Невшехир, Карс, Аксарай университеттери менен өнөктөштүк
Негизги багыттар
МФТиИТ институтунун эл аралык кызматташтыгы бир топ маанилүү стратегиялык багыттарды камтыйт. Бул багыттар билим берүүнүн сапатын жогорулатууга, глобалдык билим берүү мейкиндигине интеграцияланууга жана студенттер менен окутуучулардын профессионалдык өсүшүнө шарт түзөт.
Студенттердин жана окутуучулардын чет өлкөлөрдө билим алып, тажрыйба топтоосу үчүн алмашуу программаларын ишке ашыруу.
Алдыңкы университеттер жана илимий борборлор менен биргелешкен долбоорлорду, илимий байланыштарды жана тажрыйба алмашууну өнүктүрүү.
Erasmus+, Mevlana, Orhun жана башка эл аралык программалардын алкагындагы гранттык долбоорлорго активдүү катышуу.
Чет өлкөлүк окумуштуулар менен кызматташып, илимий макалаларды, изилдөөлөрдү жана инновациялык долбоорлорду ишке ашыруу.
Окутуучулар менен аспиранттардын дүйнөлүк илимий жыйындарга катышуусун уюштуруу.
Окуу пландарын эл аралык стандарттарга ылайык жаңылоо, англис тилиндеги курстарды кеңейтүү.
Жакынкы жана алыскы өлкөлөрдөн студенттерди кабыл алуу, көп улуттуу академиялык чөйрө түзүү.
Бул багыттар институттун эл аралык аброюн жогорулатууга, студенттердин дүйнөлүк билимге жеткиликтүүлүгүн камсыздоого жана окутуучулардын илимий потенциалын кеңейтүүгө өбөлгө түзөт.
Эл аралык илимий кызматташуу
МФТиИТ институту илимий-изилдөө иштеринде республиканын жана чет өлкөлөрдүн бир катар алдыңкы университеттери жана илимий борборлору менен тыгыз кызматташтыкты өнүктүрүп келет. Бул кызматташтык биргелешкен долбоорлорду ишке ашырууга, окутуучулардын жана аспиранттардын илимий потенциалын жогорулатууга, ошондой эле академиялык байланышты күчөтүүгө өбөлгө түзөт.
| № | Окуу жай / илимий борбор | Өлкө |
|---|---|---|
| 1 | РФ Илимдер академиясынын математика институту | Россия |
| 2 | КР Улуттук илимдер академиясынын математика институту | Кыргызстан |
| 3 | Өзбекстан ИАнын математика жана IT технология институту | Өзбекстан |
| 4 | Новосибирск мамлекеттик университети (НГУ) | Россия |
| 5 | Томск мамлекеттик университети | Россия |
| 6 | Томск техникалык университети (ТПУ) | Россия |
| 7 | Караганда техникалык университети | Казакстан |
| 8 | Санкт-Петербург мамлекеттик университети | Россия |
| 9 | Казакстан Улуттук университети | Казакстан |
| 10 | Кыргыз Улуттук университети (КУУ) | Кыргызстан |
| 11 | И. Арабаев атындагы КМУ | Кыргызстан |
| 12 | КРСУ атындагы университети | Кыргызстан |
| 13 | КТУ атындагы университет | Кыргызстан |
| 14 | Фергана мамлекеттик университети | Өзбекстан |
| 15 | Ташкент мамлекеттик университети | Өзбекстан |
| 16 | Ташкент мамлекеттик педагогикалык университети | Өзбекстан |
| 17 | Тажикистан мамлекеттик университеттери | Тажикистан |
| 18 | Невшехир университети | Түркия |
| 19 | Кафкас университети (Карс) | Түркия |
| 20 | Аксарай университети | Түркия |
| 21 | Гарвард университети | АКШ |
| 22 | Портленд университети | АКШ |